,,Nemendur eiga að fara svangir úr skóla" var lokaráðlegging Einars skólastjóra þegar hann kvaddi útskriftarnemendur. Þeir eru fjórir að þessu sinni þrír úr 10. bekk og einn nemendi sem lauk grunnskóla úr 9. bekk. Nú verður gert hlé á skólahaldi í Valsárskóla en nemendur koma svo aftur saman 26. ágúst klukkan 16:00. Gleðilegt sumar.
Eftir hvítasunnuhelgina á þriðjudag og miðvikudag stormuðu nemendur skólans af bæ. Stefnt var austur í sveitir annan daginn og til Akureyrar hinn. Tilgangurinn var að sjúga í sig mennt og menningu. Á Akureyri var farið í Minjasafnið og Nonnahús og fyrir austan var komið við á Grenjaðastöðum, Laxárvirkjum og Hvalasafninu á Húsavík.